Япониянын Кыргыз Республикасындагы Атайын жана Ыйгарым укуктуу Элчиси ГОДА Хидэки мырзанын саламдашуу сөзү

Менин атым ГОДА Хидэки. Октябрь айында мен Япониянын Кыргыз Республикасындагы Атайын жана Ыйгарым укуктуу Элчи кызматына кириштим.
 2022-жыл Япония менен Кыргыз Республикасынын ортосундагы дипломатиялык мамилелердин түзүлгөнүнө 30 жыл толгон салтанаттуу жыл. Ушундай  мааракелүү жылда Кыргыз Республикасынын элчиси болуп дайындалуу мен үчүн чоң сыймык.
 Дипломатиялык мамилелер түзүлгөндөн бери Япония менен Кыргыз Республикасы ар түрдүү тармактарда достук мамилелерди тереңдетип келди.
 Ушунун ичинен, “Бир айыл - бир продукт долбоору” Кыргызстандын ар бир аймагынын мүмкүнчүлүктөрүн пайдалануу менен продукцияларын чыгарып, жумуш орундарын түзүп жаткан эң сонун долбоор деп эсептейм. Биз мындай демилгелерди мындан ары дагы колдоого колдоого алып, өркүндөткүбүз келет.
 Мындан тышкары, эки өлкө адамдар ортосундагы алаканы өркүндөтүү боюнча чоң тажрыйба топтоду. Адам ресурстарын өнүктүрүү боюнча стипендиялык программанын (JDS) алкагында Японияда билим алган 200дөн ашык студенттер өз өлкөсүнө кайтып келгенден кийин, Кыргыз Республикасынын министрликтеринде жана ведомстволорунда маанилүү кызматтарды ээлеп, өлкөнү өнүктүрүүдө жигердүү роль ойноп жатканын кубануу менен белгилейм. Адам ресурстары – өлкөнүн өнүгүүсүнүн негизги фундаменти. Мен Японияда JDS программасынын студенттерине Япониянын мамлекеттик кызмат системасы боюнча лекция окугам. Алар өлкөнүн өнүгүшүнө мындан дагы чоң салым кошот деп ишенем.
 Кыргыз Республикасын камтыган Борбор Азия өлкөлөрү Япония үчүн маанилүү өнөктөш болуп саналат. Кыргыз Республикасы менен Япониянын ортосундагы достукту мындан ары дагы тереңдетүү үчүн бардык куч-аракетимди жумшамакчымын. Биздин өлкөлөр ортосундагы кызматташууда сиздердин колдооңуздарга жана кызматташууңуздарга үмүттөнөм.