" АКЖ（ⅰ）-дин" негизги өзгөчөлүктөрүнүн бири жапон уюму тарабынан берешен колдоо системасы болуп саналат. Бул АКЖ（ⅰ）-ге ишенимдүү жана тынчсызданбай иштөөгө өбөлгө түзөт. Иш берүүчү камсыз кыла турган колдоолор, төмөнкүлөр болуп саналат:
1. Японияга келгенге чейин, сиз түшүнгөн тилде Япониядагы жашоо жөнүндө алдын ала көрсөтмө берилет.
2. Аэропортко чейин жана кийин, сиздин келгениңизде жана кеткениңизде ташып алып баруу уюштурулат.
3. Японияда үйдү ижарага алууга, банк эсебин ачууга, уюлдук телефонго жана коммуналдык тейлөө линиясына (электр жана газ ж.б.) келишим түзүүгө жардам берилет.
4. Японияда ыңгайлуу жашоо үчүн, жапон коомунун эрежелери жана жүрүм-туруму, транспортту кантип колдонуу жана жер титирөө же башка кырсыктар болгон учурда кандай чара көрүү керектиги боюнча маалымат берүү сессиясы болот.
5. Сиз жашаган жериңиздин мэриясына чейин коштоп барып, ошондой эле резидентти каттоо, салык төлөө ж.б. сыяктуу иш кагаздарын жүргүзүүгө жардам берилет.
6. Андан ары жапон тилин үйрөнүүгө колдоо көрсөтүлөт.
7. Кандайдыр бир көйгөй пайда болгондо, сиз каалаган убакта, эне тилиңизде же англис тилинде консультацияларды жана кеңештерди ала аласыз.
8. Жапон коому менен тез таанышууга жардам берүү үчүн, жапон эли менен баарлашууга мүмкүнчүлүктөр түзүлөт.
9. Эгерде сиз жумуштан компания тарабынан бошотулсаңыз же компаниянын шарттарына байланыштуу иштен кетүүгө туура келсе, башка жумуш табууга жана орношууга колдоо көрсөтүлөт.
10. Сиз менен компаниядагы АКЖны колдоо үчүн менеджердин ортосундагы ар кандай маселелерди талкуулоо үчүн үзгүлтүксүз жолугушуулар өткөрүлөт.

Кабыл алуучу уюмдар жөнундө

1.Чет өлкөлүк жарандарды кабыл алуу үчүн, кабыл алуучу уюмдардын критериялары

1. ①Чет өлкөлүк жаран менен түзүлгөн ылайыктуу эмгек келишими
2. ②Ылайыктуу келген уюм (мисалы, акыркы 5 жыл ичинде иммиграция же эмгекке байланыштуу мыйзам бузулуулар болгон эмес)
3. ③Чет өлкөлүк жарандарга колдоо көрсөтүү системасы (мисалы, чет өлкөлүк жарандын түшүнгөн тилинде колдоо көрсөтүү)
4. ④Чет өлкөлүк жарандарды колдоо үчүн ылайыктуу план (мисалы, Японияда жашоо жөнүндөгү киришүү лекциясы бар ж.б.).

2.Кабыл алуучу уюмдун милдеттери

1. ①Чет өлкөлүк жаран менен түзүлгөн эмгек келишимин ишенимдүү аткаруу (мисалы, тиешелүү сый акы төлөө)
2. ②Чет өлкөлүк жарандарга ылайыктуу колдоо көрсөтүү
   →катталган колдоо уюмунан тышкары жардам көрсөтүү
   　Эгер бүтүн жардам тапшырылса, 1-③ анда канааттандырылган болуп эсептелет
3. ③Иммиграция кызматынын агенттигине ар кандай билдирүүлөрдү берүү

Эскертүү. Эгер ①-③чейинки пункутулар аткарылбаса, чет өлкөлүк жарандарды кабыл алууга уруксат берилбеши мүмкүн жана иммиграция кызматынын агенттиги тарабынан уюмга көрсөтмөлөр жана жакшыртууга байланыштуу буйруктар берилиши мүмкүн.

Катталган колдоо уюмдары жөнүндө

1.Каттоо критерийлери

1. ①Ылайыктуу келген уюм (мисалы, акыркы 5 жыл ичинде иммиграция же эмгекке байланыштуу мыйзамдар бузулган эмес)
2. ②Чет өлкөлүк жарандарга колдоо көрсөтүү системасы (мисалы, чет өлкөлүк жарандын түшүнгөн тилинде колдоо көрсөтүү)

2.Катталган колдоо уюмунун милдеттери

1. ①Чет өлкөлүк жарандарга тиешелүү колдоо көрсөтүүнү ишке ашыруу
2. ②Иммиграция кызматынын агенттигине ар кандай билдирүүлөрдү берүү

Эскертүү. ① жана ②пунктулар аткарылбаса, каттоо жокко чыгарылат.